कुलमान हटाउनु नहुने अडान राख्दैआएका ऊर्जा राज्यमन्त्री तामाङ बर्खास्त

काठमाडौं । ऊर्जा, जलस्रोत तथा सिंचाई राज्यमन्त्री पूर्णबहादुर तामाङ (कान्छाराम)लाई प्रधानमन्त्री केपी शर्मा ओलीले बर्खास्त गरेका छन् । उनलाई बुधबार बर्खास्त गरिएको छ ।

गृहमन्त्री रमेश लेखकले तामाङलाई बर्खास्त गरिएको सूचना टेलिफोनमार्फत् दिएका थिए ।

रामेछापबाट प्रतिनिधिसभामा निर्वाचित भएका राज्यमन्त्री तामाङले नेपाल विद्युत प्राधिकरणको कार्यकारी निर्देशकबाट कुलमान घिसिङलाई हटाउनु नहुने अडान राख्दैआएका थिए ।

तीन महिना कार्यकाल बाँकी रहेका घिसिङलाई हटाउने निर्णयको उनले सार्वजनिक रुपमै बिरोध गरेका थिए । कुलमानको पक्षमा अडान लिएकै कारण प्रधानमन्त्री ओलीले उनलाई बर्खास्त गरेको स्रोत बताउँछ ।