बाँकेमा थप २ जना काेराेना संक्रमित महिलाकाे मृत्यु

काठमाडाैं । बाँकेमा उपचाररत थप दुई कोरोना संक्रमितको मृत्यु भएको छ । रोल्पा र दाङका एक–एक महिलाको कोरोनाबाट मृत्यु भएको  जिल्ला कोभिड–१९ संकट व्यवस्थापन केन्द्रले जनाएकाे छ ।

केन्द्रका अनुसार रोल्पा, लिवाङकी ४२ वर्षीया र दाङको बबईकी ८० वर्षीया महिलाको आइतबार बिहान मृत्यु भएको हाे। रोल्पाकी महिलालाई पुस २५ गते कोहलपुर मेडिकल कलेजमा उपचारका लागि ल्याइएकोमा आइतबार बिहान ३:३० बजे मृत्यु भएको हो ।

त्यस्तै दाङकी महिलालाई पुस ९ गते कोहलपुर मेडिकल कलेजमा ल्याइएकोमा भोलिपल्ट कोरोना पुष्टि भएपछि भेरी अस्पताल नेपालगन्ज लगिएको थियो । उनको आइतबार बिहान ६:३० बजे मृत्यु भएको अस्पतालले जनाएको छ ।