सासद ढकाल अमेरिकी राष्ट्रपति डोनल्ड ट्रम्पको सपथग्रहणमा सहभागी हुने

काठमाडौं । प्रतिनिधिसभाका सदस्य एकनाथ ढकाल आज सयुक्त राज्य अमेरिका प्रस्थान गरेका छन् । सांसद ढकाल यही जनवरी २० तारिकमा अमेरिकाको वासिङ्टन, डी.सी. मा आयोजना हुने अमेरिकन राष्ट्रपति डोनल्ड ट्रम्पको सपथग्रहण कार्यक्रममा सहभागी हुन अमेरिका गएका हुन् ।

भ्रमणमा सांसद ढकालसंगै उहाँकी श्रीमती ब्लेसी गाडन ढकाल पनि सहभागी हुनेछिन् । पूर्वमन्त्रीसमेत रहेका सांसद ढकाललाई नेपाल परिवार दलका बरिष्ठ उपाध्यक्ष बिनोद डाँगी, महामन्त्री प्रकाशबाबु थापा साथै केन्द्रीय सदस्यहरु निला श्रेष्ठ, कामना भूसाल, बिष्णु गिरीलगायतले त्रिभुवन अन्तर्राष्ट्रिय बिमानस्थलमा बिदाइ गरेका थिए ।

बिदाइका क्रममा बोल्दै सांसद ढकालले बिश्वकै शक्तिशाली राष्ट्रको राष्ट्रप्रमुखको सपथग्रहणमा सहभागी हुन अवसरको रुपमा प्रयोग गर्दै नेपाल–अमेरिका सम्बन्ध थप प्रगाढ बनाउन मद्दत पुग्ने बताए ।

सांसद ढकाल ढकाल प्रतिनिधिसभाको अन्तर्राष्ट्रिय सम्बन्ध तथा पर्यटन समिति सदस्य हुन् । साथै नेपाल–अमेरिका संसदीय मैत्री समूहमा समेत आवद्ध छन् । बिश्वका दर्जनौं राष्ट्रका राष्ट्रप्रमुख तथा सरकार प्रमुखसँग राम्रो सम्बन्ध स्थापित भएका नेताको ढकाल रुपमा चिनिन्छन् । सांसद ढकाल टर्किस एरलाइन्स मार्फत् अमेरिका प्रस्थान गरेका छन् ।