राष्ट्रिय आवश्यकताका आधारमा संविधान संशोधन हुन्छः देउवा

डडेल्धुरा । नेपाली कांग्रेसका सभापति शेरबहादुर देउवाले राष्ट्रिय आवश्यकताअनुसार संविधान संशोधन गर्ने बताएका छन् ।

सोमबारदेखि गृहजिल्ला डडेलधुरा भ्रमणमा रहेका सभापति देउवाले नेपाल प्रेस युनियनले गरेको पत्रकार सम्मेलनमा बोल्दै यस्तो बताएका हुन् ।

देउवाले संविधान राष्ट्र हितका लागि संशोधन गर्नुपर्ने बताए । उनले राष्ट्रलाई फाइदा हुनेगरी संविधान संशोधन गर्न दुई दल तयार रहेको र अरू दलहरूलाई पनि समेटिने बताए ।
अरू दलहरूलाई पनि समेटेर दुई तिहाइ र्पुयाउने र संविधान संशोधन गर्ने सहमति भएकाले सभापति देउवाको भनाइ छ ।

गठबन्धन भत्किने कुराहरू आमसञ्चार माध्यमबाट सुन्ने गरेको भन्दै सभापति देउवाले त्यस्तो नहुने बताए । वर्तमान सरकारले राजनीतिक प्रतिशोधले सहकारी ठगीका रूपमा कसैलाई थुन्यो भन्नु गलत भएको सभापति सभापति देउवाको भनाइ छ ।

सहकारीमा दोषी भएका जो कोहीलाई पनि नियमअनुसार कारबाही गरिनुपर्ने उनले बताए ।

एमाले–कांग्रेस गठबन्धन सरकार संविधान संशोधन गर्ने प्रतिबद्धतासहित गठन भएको थियो । तर सरकार गठन भएको ४ महिना बितिसक्दा पनि संविधान संशोधनको दिशामा कुनै पहल हुनसकेको छैन ।