प्रधानमन्त्री ओलीले बोलाए सत्तारुढ दलहरूको बैठक

काठमाडौं । रास्वपा सभापति रवि लामिछाने पक्राउ र अध्यादेश ल्याएर साना दल फुटाउने चर्चा चलेपछि प्रतिपक्षी दलहरुबाट चर्को बिरोध भइरहेको अवस्थामा प्रधानमन्त्री केपी शर्मा ओलीले सत्ता गठबन्धनको बैठक बोलाएका छन् ।

बुधबार बिहान ९ बजे प्रधानमन्त्री निवास बालुवाटारमा ओलीले बैठक बोलाएका हुन् ।

बैठकमा समसामयिक राजनीतिक विषयमा छलफल हुनेछ । आज ओली सरकार गठन भएको एक सय दिन पुगेको छ ।

प्रधानमन्त्री ओलीले आज दिउँसो २ः३० बजे प्रधानमन्त्रीको कार्यालय सिंहदरबारबाट सरकारको १ सय दिने उपलब्धि सार्वजनिक गर्ने तयारी गरेका छन् । यो विषयमा पनि छलफल हुने बताइएको छ ।
मन्त्रीहरुले भने एक सय दिनका उपलब्धी सार्वजनिक गरिरहेका छन् ।