काठमाडौं । आज शुक्रबार नेपालमा थप १ हजार २७२ जनामा कोरोना भाइरस संक्रमण पुष्टि भएको छ ।
योसँगै नेपालमा कोरोना संक्रमितको कुल संख्या २ लाख ३८ हजार ८६१ पुगेको स्वास्थ्य तथा जनसंख्या मन्त्रालयले जनाएको छ ।
यस्तै बितेको २४ घण्टामा १ हजार ५७५ जना कोरोना भाइरस संक्रमण मुक्त भएका छन् ।
योसँगै हालसम्म निको हुनेको कुल संख्या २ लाख २१ हजार ८४७ पुगेको छ । यसैगरी आजसम्म देशभर सक्रिय संक्रमितको संख्या १५ हजार ४४७ रहेको छ ।
नेपालमा पछिल्लो २४ घण्टामा थप १६ जनाको कोरोना संक्रमितको मृत्यु भएको छ ।
योसँगै नेपालमा कोरोना भाइरसको संक्रमणबाट मृत्यु हुनेको संख्या १ हजार ५ सय ६७ पुगेको स्वास्थ्य तथा जनसंख्या मन्त्रालयले पुष्टि गरेको छ ।
यस्तै हिजो बिहीबार नेपालमा १ हजार ३४३ जनामा कोरोना भाइरस संक्रमण पुष्टि भएको थियो ।
