सुर्खेत । कर्णाली प्रदेश सरकारका सामाजिक विकास मन्त्री दल रावल हुम्लाको सर्केगाड गाउँपालिकामा अस्पताल शिलान्यास गर्न हेलिकप्टर चार्टर्ड गरेर पुगेका छन् ।
सोमबार बिहान मन्त्री रावलसहित सुर्खेतमा रहेका गाउँपालिकाका अध्यक्ष र उपाध्यक्षसहितको टोली नेपाली सेनाको हेलिकप्टर चार्टर्ड गरेर गएका सर्केगाड गएका हुन् ।
गाउँपालिकाको रकमबाट हेलिकप्टरको भाडा व्यहोर्ने गरी मन्त्री रावल अस्पतालको शिलान्यास गर्न सर्केगाड पुगेको गाउँपालिका स्रोतले जनाएको छ । सर्केगाड मन्त्री रावलकै निर्वाचन क्षेत्र हो ।
‘मन्त्रीज्यू अस्पतालको शिलान्यास गरेर सुर्खेत फर्किसक्नुभएको छ । उहाँ गाउँपालिकाले चार्टर गरेको हेलिकप्टरमा जानुभएको थियो । मन्त्रालयले चार्टर गरेको हैन,’ रोकायाले मन्त्रीका स्वकीय सचिव नन्दबहादुर रोकायाले भने, ‘हुम्लामा अझै गाडी पुगेको छैन । हेलिकप्टरमा जाँदैमा यसलाई अन्याथै मान्नु पर्दैन ।’
