धनकुटामा माइक्रो बस दुर्घटना, १९ जना घाइते

धनकुटा ।  धनकुटामा गएराती माइक्रोबस दुर्घटना भएको छ ।

काठमाडौंबाट संखुवासभातर्फ जाँदै गरेको बा ५ ख ७२४ नं को माईक्रो बस राति २स्१५ बजेतिर धनकुटा नगरपालिका ९ मूलघाट-रुद्रवारीमा दुर्घटना भएको प्रहरीले जनाएको छ ।

दुर्घटनामा परी १९ जना घाइते भएका  छन् । उनीहरु सबैको उद्दार गरी  ९ जनालाई उपचारका लागि बीपी कोइराला स्वास्थ्य विज्ञान प्रतिष्ठान धरान पठाइएको र बाँकीलाई जिल्ला अस्पताल धनकुटा ल्याइएको जिल्ला प्रहरी कार्यालय धनकुटाले जनाएको छ ।  उनीहरुको अवस्था सामान्य रहेको प्रहरीको भनाइ छ  ।

घाइतेमध्ये केहीको उपचारपछि डिस्चार्ज भइसकेको मूलघाट प्रहरी चौकीले जनाएको छ ।

अनियन्त्रित भई सडकबाट करिब ५० मिटर तल खसेको माईक्रो बस निकाल्ने प्रयास भइरहेको छ ।