जन्मँदैखेरि कोही राजा हुने कुरा अब स्विकार्न सकिँदैन : ओली

काठमाडौं । नेकपा एमाले अध्यक्ष केपी शर्मा ओलीले जन्मँदैखेरि कोही राजा हुने कुरा स्वीकार गर्न नसकिने बताएका छन् । आज काठमाडौंमा नेपाल संवतका अवसरमा गरिएको कार्यक्रममा बाेल्दै उनले यस्ताे बताएका हुन् ।

उनले भने–‘जनताभन्दा एउटा व्यक्ति ठुलो हुने कुरा, एउटा परिवार हुने कुरा अबको सचेत जनताले स्विकार्न सक्दैन । अबको नयाँ पिँडीहरूले यस्ता कुरा स्विर्कान सक्दैन । हामीले बलिदान दिएर ल्याएका उपलब्धिको रक्षा गर्नुपर्दछ ।’

उनले आफू ५८ वर्षदेखि देशका लागि जेलनेल यातना सहेको मान्छे भएको हुनाले आफू एमालेको नेता मात्र नभई देशकै मान्छे भएको दाबी गरे । उनले प्रश्न गरे–‘माओसेत्सुङ चीनको एउटा पार्टीको नेता हुन कि सिङ्गै चीनको नेता हुन ? जवहरलाल नेहरु वा मोदी तिनका पार्टीका नेता हुन कि सिंगो भारतको हुन ? त्यसकारण हामीले यो भ्रम राख्नु हुँदैन ।’

उनले एमाले मात्रै सुखी नेपाली र समृद्ध नेपाल बनाउने नेपालको एकमात्र पार्टी भएको दाबी गरे । ओलीले देशलाई अस्थिरतामा फसाउने खेल भइरहेको पनि उल्लेख गरे ।