नेपाललाई चौथो झड्का, कप्तान रोहित पनि आउट

काठमाडाैं। आईसीसी टी–ट्वान्टी विश्वकप छनोटमा ओमानविरुद्ध ३ विकेट गुमाएसंगै नेपाललाई चौथो झड्का लागेको छ । कप्तान रोहित पौडेल १२ रनमा आउट भएका छन् ।

चौथो विकेट गुमाउँदा नेपालले ५.५ ओभरमा ४३ रन बनाएको थियो । यससँगै नेपाली पारी संकटमा परेको छ ।

४३ रनको स्थितिमा नेपालले ३ विकेट गुमाएको थियो ।

तेस्रो विकेटका रूपमा कुशल भुर्तेल २६ रन बनाएर आउट भए । यसक्रममा उनले १८ बलको सामना गरे । यसअघि ८ बल खेलेका आशिफ ५ र ९ बल खेलेका सोमपाल १२ रन जोडेर आउट भएका थिए ।

कीर्तिपुरमा नेपालले १४६ रनको लक्ष्य पछ्याएर ब्याटिङ गरिरहेको हो । यो खेलको नतिजाले समूह विजेताको टुंगो लाग्नेछ ।

यद्यपि नेपाल र ओमान दुवैले सेमिफाइनलमा स्थान बनाइसकेका छन् ।

समूह विजेताले अर्को समूहको दोस्रो र उपविजेताले पहिलो टीमसँग शुक्रबार प्रतिस्पर्धा गर्नेछ ।