मन्त्री ज्वालाले गरे द्रूत बस सेवाका लागि बनेको लेनको अनुगमन

काठमाडौं। भौतिक पूर्वाधार तथा यातायातमन्त्री प्रकाश ज्वालाले भोलि संविधान दिवसका दिन काठमाडौंको रत्नपार्कबाट भक्तपुरको सुर्यविनायकसम्म संचालन हुन गइरहेको द्रुत बस सेवाको लागि निर्माण गरिएको सडक लेनको आज अनुगमन गरेका छन् ।

नेपालको इतिहासमै पहिलो पटक सञ्चालन हुन लागेको द्रुत बस सेवा भक्तपुरको सूर्यविनायकदेखि काठमाडौंको रत्नपार्कसम्म पाइलट प्रोजेक्टकका रुपमा बुधबार उद्घाटन हुन लागेको हो ।

हाललाई २५ वटा सार्वजनिक बस चल्नेछन् भने निकट भविष्यमा विद्यालयका बसहरु पनि द्रुत बस लेनबाट चल्ने छन् । सो बस सेवाको भोलि बिहान ९ः३० बजे रत्नपार्कको शान्तिवाटिकामा उदघाटन हुने कार्यक्रम रहेको छ ।