आजदेखि भैरहवाबाट हङकङ र नयाँदिल्ली उडान सुरु

काठमाडौं । नेपाल वायुसेवा निगम (एनएसी) ले आजबाट गौतमबुद्ध अन्तर्राष्ट्रिय विमानस्थलबाट हङकङ र नयाँ दिल्लीको उडान गर्ने भएको छ । भैरहवास्थित गौतम बुद्ध अन्तर्राष्ट्रिय विमानस्थलबाट काठमाडौंलाई ट्रान्जिट बनाएर हङकङ र दिल्लीमा नियमित उडान गर्ने भएको हो ।

मङ्गलवार हप्ताको एक दिन एक उडानबाट सेवा सुरु गरेर यसको सुरुवात गरिएको छ । निगमले मागको आधारमा उडानको संख्या थप्दै लगिने बताएको छ ।

उनका अनुसार भैरहवाबाट आज बिहान ८ः१५ मा उडेको जहाज ९ बजे काठमाडौंमा अवतरण गरेको बताइएको छ ।
त्यसपछि ट्रान्जिट भई हङकङ जाने यात्रु हङकङको उडानमा र दिल्ली जाने यात्रु निगमकै कनेक्टिङ्ग उडानमा चढ्ने छन् । जसका लागि एनएसीले गत भदौ १० गतेबाट नै टिकट बुकिङ खुलाइएको थियो ।