राजेन्द्र लिङ्देन भोलि साउदी अरब जाने

काठमाडौं । राष्ट्रिय प्रजातन्त्र पार्टीका अध्यक्ष राजेन्द्र लिङ्देन संयुक्त अरब इमिरेट्स र साउदी अरब भ्रमणमा जाने भएका छन् । पार्टी आवद्ध प्रवासी नेपाल एकता समाज युएई र साउदी अरबको अधिवेशन उदघाटन, प्रवासी नेपाली समुदायसंगको अन्तर्क्रिया र विविध कार्यक्रममा सहभागी हुन भोलि उनी साउदी अरब जाने भएका हुन्।

साउदी अरबको जेद्दा, दमाम र रियाद शहरमा कार्यक्रम राखिएको छ । साउदीको कार्यक्रम सकिएपछि उनी २६ सेप्टेम्बर अर्थात ९ भदौमा युएईको दुबईमा जाने बताइएको छ ।

सोमबार बसेको पदाधिकारी बैठकले लिङ्देन एक साता विदेश भ्रमणमा रहने भएपछि उपाध्यक्ष बुद्धिमान तामाङलाई कार्यवाहक अध्यक्षको जिम्मेवारी दिएको छ ।