नागरिकता विधेयक तत्काल कार्यान्वयन नगर्न सर्वोच्चले दिएको आदेशविरुद्ध मधेसमा बिहानैदेखि प्रदर्शन

जनकपुरधाम। राष्ट्रपति रामचन्द्र पौडेलले प्रमाणीकरण गरेको नागरिकता विधेयक (ऐन) तत्काल कार्यन्वयन नगर्न आइतबार सर्वोच्च अदालतले आदेश दिएपछि मधेसमा आज (सोमबार) बिहानैदेखि प्रदर्शन सुरु भएको छ ।

नागरिकताविहिन सर्वसाधारणहरुले सर्वोच्च अदालतको सो आदेशविरुद्ध विरुद्ध प्रदर्शन गरिरहेका छन् । उनीहरुले सर्वोच्च अदालत र नागरिकता विद्येयक प्रमाणीकरणको विरुद्धमा रहेका दलहरुविरुद्ध नारावाजी गर्दै राजमार्गमा टायर बालेर प्रदर्शन गरिहरहेका छन् ।

प्रदर्शनपछि ढल्केवर जनकपुर सडकखण्ड अहिले अवरुद्ध भएको छ । सडकखण्डक अवरुद्ध हुँदा यात्रुहरुलाई समस्या परेका छन् । प्रदर्शनकारीले मधेस प्रदेशका सबै जिल्ला प्रशासन कार्यालय अगाडि घेराउ गर्ने लगायतका कार्यक्रम तय गरेका छन् ।