वन र वातावरण क्षेत्रमा १५ अर्ब ५६ करोड बजेट

काठमाडौं । वन तथा वातावरण क्षेत्रमा १५ अर्ब ५६ करोड बजेट छुट्याइएको छ । आगामी आर्थिक वर्षको बजेट भाषण गर्ने क्रममा अर्थमन्त्री प्रकाशशरण महतले वन तथा वातावरण क्षेत्रका लागि सो बजेट छुट्याइएको बताएका हुन् ।

उनले वन, जैविक विविधता र जलाधार व्यवस्थापन मार्फत वातावरणीय सन्तुलन कायम गरिने बताएका छन् । वन सम्पदाको दिगो उपयोग र वनजन्य उद्यम विकास गर्दै राष्ट्रिय अर्थतन्त्रमा यसको योगदान बढाइने उनको भनाइ छ ।

राष्ट्रपति चुरे संरक्षण कार्यक्रम मार्फत संघ, प्रदेश र स्थानीय तहको सहभागितामा चुरे संरक्षणको गुरुयोजना कार्यान्वयन गरिने महतले बताए । यसअन्तर्गत जल र जमिन संरक्षण गर्न वाँस रोपण, रिचार्ज पोखरी, गल्छी, पहिरो नियन्त्रण लगायतका कार्यक्रम सञ्चालन गरिने उनले उल्लेख गरे ।