टर्कीमा राष्ट्रपति चयनका लागि आज दोस्रो चरणको मतदान हुँदै

एजेन्सी। टर्कीमा आज नयाँ राष्ट्रपतिका लागि दोस्रो चरणको मतदान हुँदै छ। पहिलो चरणको निर्वाचनमा वर्तमान राष्ट्रपति रेसेप तैयप अर्दोआन र उनका प्रतिद्वन्द्वी कमल कलचदारलुमध्ये कसैले पनि ५० प्रतिशत मत प्राप्त गर्न सकेनन् । त्यसैले अहिले यी दुईबीच दोस्रो चरणको निर्वाचन हुँदैछ ।

टर्कीमा राष्ट्रपति बन्न ५० प्रतिशतभन्दा बढी मत चाहिन्छ। कुनै पनि उम्मेदवारले त्यति धेरै मत पाउन सकेन भने दोस्रो चरणको मतदानको अवस्था आउँछ ।

टर्कीमा भएको राष्ट्रपतीय निर्वाचनको पहिलो चरणमा अर्दोआनले ४९.५ प्रतिशत मत पाएका थिए भने कमल कलचादारलुले ४४.५ प्रतिशत मात्रै मत ल्याएका थिए ।

अर्दोन २० वर्षदेखि टर्कीमा सत्तामा छन्। राष्ट्रपति चयनका लागि टर्कीको इतिहासमा पहिलो पटक दोस्रो चरणको मतदान हुन लागेको हो ।