प्रि बजेटका बारेमा आज अर्थमन्त्रीले सदनमा जवाफ दिने

काठमाडौं। प्रि बजेटका बारेमा सांसदहरूले राखेका जिज्ञासाका बारेमा अर्थमन्त्री प्रकाशशरण महतले जवाफ दिने भएका छन् । गत आइतबार बसेको प्रतिनिधिसभा कार्य व्यवस्था समितिको बैठकले गरेको निर्णय अनुसार आज अर्थमन्त्रीले जवाफ दिन लागेका हुन् ।

प्रि बजेटका बारेमा सांसदहरूले आ–आफ्नो धारणा राखि सकेका छन् । अर्थमन्त्रीले राष्ट्रियसभामा सांसदहरुले उठाएका सवालको जवाफहरू भने हिजै दिइसकेका छन् । उनले जवाफ दिने क्रममा सामाजिक सुरक्षा भत्ता नकाटिने जनाउँदै विश्वस्त हुन आग्रह गरेका छन् ।

संवैधानिक व्यवस्था अनुसार जेठ १५ गते आउन लागेको बजेटको पुर्व सन्ध्यामा प्रि बजेटका बारेमा सदनमा छलफल भएको हो ।