आज दिउँसो सत्ता गठबन्धनको बैठक बस्दै

काठमाडौं । प्रधानमन्त्री पुष्पकमल दाहाल ‘प्रचण्ड’ले समसामयिक राजनीतिका विषयमा छलफल गर्न सत्तारुढ गठबन्धन दलको बैठक आह्वान गरेका छन् ।

बैठक आज दिउँसो ३ बजे बालुवाटारमा बस्ने गरी तय भएको प्रधानमन्त्रीका प्रेसविज्ञ मनहरि तिमिल्सिनाले जानकारी दिए । उनका अनुसार बैठकमा समसामयिक राजनीतिका विषयमा छलफल हुनेछ ।

“समसामयिक विषयमा छलफल गर्न आज दिउँसो ३ बजे गठबन्धन दलको बैठक बस्न लागेको हो,” उनले भने ।

राष्ट्रिय स्वतन्त्र पार्टी (रास्वपा) लाई सकारमा ल्याउन प्रधानमन्त्री प्रत्यत्नशील छन् । रास्वपा सरकारमा आए गठबन्धन दलबीच भागबण्डा मिलाउनुपर्ने हुन्छ । बैठकमा त्यसबारे छलफल गर्ने प्रधानमन्त्रीको तयारी रहेको बताइएको छ । आजै बिहान मन्त्रिपरिषद्को बैठक पनि बस्दै छ ।