प्रधानमन्त्री प्रचण्डले भने- महावीर पुन सल्लाहमै माइतीघरमा बस्नु भएको हो

काठमाडौँ। नेकपा माओवादी केन्द्रका अध्यक्ष एवम् प्रधानमन्त्री पुष्पकमल दाहाल ‘प्रचण्ड’ले राष्ट्रिय आविस्कार केन्द्रका अध्यक्ष डा. महावीर पुनलाई सरकारले सहयोग गरेन भन्नु झुट रहेको बताएका छन्।

सोमबार चितवनमा पत्रकारहरूसँगको कुराकानीमा प्रधानमन्त्री प्रचण्डले विभिन्न माग राख्दै माइतीघर मण्डलमा धर्ना शुरू गरेका महावीर पुनको मागलाई आगामी बजेटबाट सम्बोधन गर्ने प्रतिबद्धता व्यक्त गरेपनि उनी माइतीघरमा बसेको बताए।

माइतीघरमा बस्नुअघि आफूसँग सकारात्म छलफल भएको प्रधानमन्त्रीले बताए। छलफलका क्रममा अहिलेको आर्थिक अवस्थाका कारण विकास बजेटको एक प्रतिशत बजेट छुट्याउने सहमति भएको उनको भनाई छ।

सहमति भएपनि महावीर पुनले बालुवाटारबाट निस्कने समयमा आफू अनसन बस्न लागेको कुरा जानकारी गराएको प्रधानमन्त्री प्रचण्डले बताए।