संसद बैठकमा आज पनि संवैधानिक परिषद्सम्बन्धी विधेयक पेस नहुने

काठमाडौं । प्रतिनिधिसभाको आजको बैठकमा पनि संवैधानिक परिषद्सम्बन्धी विधेयक पेस नहुने भएको छ । आज दिउँसो १ बजे बस्ने बैठकमा पनि संवैधानिक परिषद्सम्बन्धी विधेयक पेस नहुने भएको हो ।

प्रधानमन्त्री पुष्पकमल दाहाल प्रचण्डले संवैधानिक परिषद्का अध्यक्ष प्रधानमन्त्रीलाई विशेषाधिकारीसहितको सर्त राखेर विधेयकको प्रस्ताव गरेपछि प्रमुख प्रतिपक्ष दल नेकपा एमालेले भने आपत्ति जनाएको थियो । जसका कारण सो विधेयक संसद्मा पेस हुन सकिरहेको छैन ।

आजको बैठकमा सङ्घीय संसद् अन्तर्गतका संयुक्त तथा प्रतिनिधिसभा अन्तर्गतको विषयगत समितिका सदस्यहरूको नाम भने मनोनयन हुने भएको छ । आज सांसदले सार्वजनिक गरेको सम्भावित कार्यसूचीमा संसदीय समितिमा सदस्य मनोनयन मात्रै हुने भनिएको छ ।