वामदेव गौतमले भने- मलाई राष्ट्रियसभामा लैजाने पूर्व निर्णय कार्यान्वयन होस्

काठमाडौं । नेपाल कम्युनिष्ट पार्टी (नेकपा) का उपाध्यक्ष वामदेव गौतमले पूर्व निर्णय कार्यान्वयनका लागि विभिन्न काेणबाट जाेड दिएका छन्। उनले अाफूलाई राष्ट्रिय सभामा मनोनित गर्ने पार्टीको पूर्वनिर्णय कार्यान्वयन गर्न प्रधानमन्त्री केपी ओलीसँग स्वयम आग्रह गरेका छन् ।

उनका अनुसार पार्टीले गत फागुनमै निर्णय गरिसकेको हुनाले यसलाइ कार्यान्वयनमा ल्याइयाेस। यता भने नेता गाैतम राष्ट्रियसभामा जान तयार रहेको बताएका छन्।

प्रधानमन्त्री केपी शर्मा ओली भने अर्थमन्त्री डा. युवराज खतिवडालाई राष्ट्रियसभामा पुनः लैजाने अडानमा छन् । तर, गौतमले चेतावनीको भाषामा भने- मलाई राष्ट्रिय सभाको सदस्य बनाउने पार्टीको निर्णय कार्यान्वयन नभएको ६ महिना बितिसक्यो, त्यो निर्णयबाट यताउता गर्न पाइन्न, निर्णय कार्यान्वयन हुनुपर्छ ।

राष्ट्रियसभामा मैले जान्न भनेकै छैन । बरु फागुनदेखि अहिलेसम्म कति भयो ? ६ महिनासम्म पार्टीको निर्णय लागू भएको छैन ।त्यो  पार्टीको तर्फबाट यताउता हुनै सक्दैन , पार्टीको निर्णय कार्यान्वयन हुनैपर्छ।