टस जितेर नेपालले फिल्डिङ रोज्यो

काठमाडौं । नेपालले आईसीसी विश्वकप लिग–२ अन्तर्गत यूएई सिरिजमा घरेलु टिमसँग टस जितेर फिल्डिङ रोजेको छ । दुबईको अन्तर्राष्ट्रिय क्रिकेट मैदानमा नेपालका कप्तान रोहित पौडेलले टस जितेर फिल्डिङ चयन गरेका हुन् ।

नेपालका लागि स्पिनर सन्दीप लामिछानेले प्लेइङ ११ मा स्थान बनाएका छन् । हिजो बुधबार श्याम ढकाललाई प्रतिस्थापन गर्न यूएई उडेका सन्दीपले आजको खेलमा मौका बनाएका हुन् । नेपालका लागि पहिलो खेलमा डेब्यु गरेका प्रतिस जिसीको स्थानमा सन्दीप लामिछाने पहिलो रोजाइमा रहेका छन् ।

कुशल भुर्तेल, आसिफ शेख, ज्ञानेन्द्र मल्ल, रोहित कुमार पौडेल, आरिफ शेख, दिपेन्द्र सिंह ऐरी, कुशल मल्ल, सोमपाल कामी, सन्दीप लामछिाने, करण केसी र गुल्सन झा नेपालको प्लेइङ ११मा रहेका छन् ।