आयल निगमले फेरि बढायो इन्धनको मूल्य, पेट्रोल प्रतिलिटर १५० रुपैयाँ पुग्यो

काठमाडौं ।  नेपाल आयल निगमले पेट्रोलियम पदार्थको मूल्य फेरि बृद्धि गरेकोछ । निगमले आज (बिहीबार) राति १२ बजेदेखि लागू हुनेगरी पेट्रोलियम पदार्थको मूल्य बढाएको हो  । 
 आज (बिहीबार) बसेको नेपाल आयल निगम सञ्चालक समितिको बैठकले  डिजल, पेट्रोल र मट्टितेलको मूल्य प्रतिलिटर ५ रुपैयाँले बढाउने निर्णय गरेको छ ।
मूल्य बढेपछि  पेट्रोलको प्रतिलिटर १५० रुपैयाँ पुगेको छ भने डिजल र मटितेलको मूल्य १३३ रुपैयाँ  पुगेको छ ।
 निगमले खाना पकाउने ग्यासमा भने मूल्य बुद्धि गरेको छैन्। 

 निगमले अन्तर्राष्ट्रिय बजारमा कच्चा तेलको मूल्यमा भएको वृद्धिले घाटाको दर  बढेको भन्दै एकैपटकमा ५ रुपैयाँका दरले मूल्य बढाएको हो ।