Nepal Face
  • मंगलबार, २ मंसिर २०८३
  • भारतबाट फर्किनेले सात दिन क्वारेन्टिनमा बस्नुपर्ने


    सोमबार, मंसिर २० २०७८
    605
    Shares
    Basu Dev Paudel
  • २ मिनेट पाठ
  • काठमाडाैं । भारतबाट फर्किएका व्यक्तिलाई अनिवार्य रूपमा क्वारेन्टिनमा राखिने भएको छ।

    भारतमा पनि कोरोनाको नयाँ भेरियन्ट ‘ओमिक्रोन’को संक्रमण देखिएपछि बैतडीमा भारतबाट फर्केकालाई अनिवार्य क्वारेन्टिनमा बस्नुपर्ने भएको हो । 

    कोरोनाको नयाँ भेरियन्ट नफैलियोस् भन्नका लागि भारतबाट फर्केका नागरिकलाई अनिवार्य सात दिन क्वारेन्टिनमा बस्न आग्रह गरिएको जिल्ला प्रशासन कार्यालयका सूचना अधिकारी खगेन्द्र भारतीले जानकारी दिए।

    भारतबाट फर्केका नागरिकलाई होम क्वारेन्टिनमै बस्ने गरी व्यवस्था मिलाउन र त्यसको अनुगमन गर्न स्थानीय तहलाई पत्राचारसमेत गरिएको छ।

    उनले भने,’भारतबाट फर्किनेको  सीमा-नाका झुलाघाटमै एन्टिजेन परीक्षण गर्ने र उनीहरूलाई अनिवार्य रूपमा क्वारेन्टाइनमा बस्न भनेका छौं।’

    झुलाघाटमा यसअघि नै हेल्थ डेस्क स्थापना गरेर कोरोना परीक्षण कार्य जारी रहेको हो। यसका साथै सीमामा आवातजावत गर्दा अनिवार्य रूपमा स्वास्थ्यका मापदण्ड पालना गर्न पनि आग्रह गरिएको छ।  

    यसैबीच कोरोनाको नयाँ भेरियन्ट देखिएपछि सीमा क्षेत्रमा भारतीय प्रशासनले पनि कडाइ गरेको छ।

    झुलाघाट नाकाबाट भारत प्रवेश गर्नेहरूले अनिवार्य रूपमा कोरोनाका दुवै डोज लगाएको कार्ड लैजानुपर्ने भएको छ। कोरोनाविरूद्धको खोपका दुवै डोज लगाएपछि १५ दिनपछि भारत पस्न दिइने भारतीय प्रशासनले जनाएको छ। 

    पिथौरागढ जिल्ला अधिकारीको कार्यालयले जिल्ला प्रशासन कार्यालय बैतडीलाई पत्र लेखेर नेपालबाट भारत पस्नेलाई अनिवार्य कोरोनाविरूद्धको खोप लगाएको कार्ड हुनुपर्ने बताएको छ।

    दुवै डोज खोज लगाएको कार्ड नभएकालाई सीमाबाट जान नदिने भारतले जनाएको छ। 

    प्रतिक्रिया
    सम्बन्धित समाचार
    ताजा समाचार