प्रचण्ड दुई दिनका लागि एकान्तवासमा जाने

काठमाडौँ । नेपाल कम्युनिष्ट पार्टी (नेकपा) माओवादी केन्द्रका अध्यक्ष पुष्पकमल दाहाल ‘प्रचण्ड’ आजदेखि दुई दिनका लागि एकान्तवासमा जाने भएका छन् । 

स्रोतका अनुसार अध्यक्ष प्रचण्ड पार्टीको राष्ट्रिय सम्मेलन, प्रदेश सम्मेलनको तयारी र अध्ययनका लागि काठमाडौँ उपत्यका नजिकैको एकान्तस्थानमा जाने तयारीमा रहेका हुन्। 

‘निवासमा नेता कार्यकर्ताहरुको भीडभाड हुने भएका कारण उहाँले पार्टीको राष्ट्रिय सम्मलनको बारेमा तयारी गर्न पाउनु भएको छैन,’ स्रोतले भन्यो, ‘अबका दुई दिन उहाँ अध्ययनमा व्यस्त रहनुहुन्छ।’

यद्यपि एकान्तवासमा भए पनि प्रचण्डले अनौपचारिक रुपमा भने कुराकानी र छलफललाई निरन्तरता दिने स्रोतको भनाइ छ । राष्ट्रिय सम्म्लन आगामी पुस ११ देखि १३सम्म काठमाडौँमा हुँदैछ।