काठमाडौं । तथ्यांक विभागका अनुसार जनगणनाका दौरान तीन जना गणकको ज्यान गएको छ ।
रसुवामा एक गणकले आत्महत्या गरेका छन् भने धादिङमा भीरबाट लडेर एक जना गणकको मृत्यु भएको छ ।
यस्तै विभागका अनुसार कैलालीमा भने हर्ट अट्याक आएर एक जना सुपरीवेक्षकको मृत्यु भएको छ ।
विभागका महानिर्देशक नेबिनलाल श्रेष्ठका अनुसार देशभर छिटपुट घटना भने धेरै भएको छ । जनगणनामा ४० हजार गणक र ८ हजार सुपरीवेक्षक खटिएका थिए ।