Nepal Face
  • बुधबार, ३ मंसिर २०८३
  • आगामी महाधिवेशनमा सहमतिमै साझा उम्मेदवार उठाउने पौडेल पक्षकाे निर्णय


    सोमबार, भाद्र ७ २०७८
    885
    Shares
    Basu Dev Paudel
  • २ मिनेट पाठ
  • काठमाडाैं । नेपाली काँग्रेसका वरिष्ठ नेता रामचन्द्र पौडेल पक्षका नेताहरुले पार्टीको आसन्न महाधिवेशनमा सहमतिमा साझा उम्मेदवार उठाउने सहमति गरेका छन् । 

    सोमबार विहान बत्तीसपुतलीस्थित अनुपम फुडल्याण्डमा पाैडेल पक्षकाे सभापतिका आकाङ्क्षीहरुबीच भएको छलफलमा सो सहमति भएको हो ।

    आजको बैठकमा सभापतिको आकाङ्क्षी रहेका रामचन्द्र पौडेलसहित शशांक कोइराला, प्रकाशमान सिंह, शेखर कोइराला, अर्जुननरसिंह केसी, बलबहादुर केसीलगायतका नेताहरू उपस्थित थिए ।

    नेता बलबहादुर केसीका अनुसार नेताहरुबीचको छलफलमा १४ औँ महाधिवेशनमा संस्थापन इतरबाट सहमतिमा साझा उम्मेदवार तय गर्ने विषयमा सहमति भएकाे छ ।

    ​‘आगामी महाधिवेशनमा कसलाई उठाउँदा जित्न सकिन्छ, उनैलाई एकल उम्मेदवार बनाउने नेताहरूबीच सहमति नजिक पुगेको छ,’ उनले भने, ‘अब अर्को चरण बैठक बसेपछि कसलाई उठाउने भन्ने विषयमा विमर्श गरेर यसबारे ठोस टुङ्गो लाग्छ ।’

    त्यस्तै, क्रियाशील सदस्यता विवादको विषयमा आफू पक्षीय जिल्ला सभापतिहरुले राखेको मागलाई सम्बोधन हुने गरी समाधान खोज्नुपर्ने पनि निष्कर्ष निकालेको छ । 

    क्रियाशील सदस्यताको विषय टुङ्गो लगाउन कृष्ण सिटौला, मिनेन्द्र रिजाल, रमेश लेखेकबीच बैठक आज नै बस्दैछ । सो बैठकमा त्यही अनुसार कुरा राख्न मिनेन्द्र रिजाललाई जिम्मा दिइएको छ ।

    प्रतिक्रिया
    सम्बन्धित समाचार
    ताजा समाचार