काठमाडाैं । चीनबाट सरकारले खरिद गरेकाे आठ लाख मात्रा भेरोसेल खोप काठमाडौं आइपुगेको छ ।
स्वास्थ्य तथा जनसंख्या मन्त्रालयको खोप शाखाका वरिष्ठ फार्मेसी अधिकृत बडेबाबु थापाका अनुसार गए राति सवा १ बजे त्रिभुवन अन्तर्राष्ट्रिय विमानस्थलमा खोप आइपुगेको हाे ।
उनका अनुसार नेपाल एयरलाइन्सको विमानबाट आठ लाख डोज आइपुगेको हो । बाँकी खोप भने बिहीबार बेलुकी आठ बजे आउने उनले बताए ।
‘भेरोसेलको पहिलो डोज लगाएर बसेकाहरूलाई यो खोप दिइनेछ,’ उनले भने।