भट्टराई भन्छन्- कसैले चर्चा बटुल्न जनताको संघर्षबाट प्राप्त उपलब्धीको विरूद्ध बोल्दैमा तरंगित हुनपर्दैन

काठमाडौँ । जनता समाजवादी पार्टी जसपाका संघीय परिषद्का अध्यक्ष डा. बाबुराम भट्टराईले कसैले जनताको वलिदानीपूर्ण संघर्षबाट प्राप्त उपलब्धीविरूद्ध बोल्यो भन्दैमा तरंगित हुन नपर्ने बताएका छन् । 

डा. भट्टराईले सामाजिक सञ्जालमार्फत विवेकशील साझा पार्टीका नेता रवीन्द्र मिश्रलाई लक्षित गर्दै सो कुरा बताएका हुन् । सोमबार नेता मिश्रले विज्ञप्ती मार्फत संघीयता खोरज गरी जनमत संग्रहमा गरौँ भनेका थिए । 

त्यही विषयलाई लिएर नेता भट्टराईले यस्तो टिप्पणी गरेका हुन् । नेता भट्टराईले संघीय लोकतान्त्रिक गणतन्त्रविरूद्ध धूप हाल्नेहरू राजतन्त्रका भूतमात्र भएको र डराउनु नपर्ने बताएका छन् । 

झिंगाको सरापले डिंगा मर्दैन! कसैले चर्चा बटुल्न जनताको वलिदानीपूर्ण संघर्षबाट प्राप्त उपलब्धीको विरूद्ध बोल्यो भन्दैमा तरंगित हुनपर्दैन।संघीय लोकतान्त्रिक गणतन्त्रविरूद्ध धूप हाल्नेहरू राजतन्त्रका भूतमात्र हुन् भन्न डराउनुपर्दैन!बरू वैकल्पिक राजनीतिको सपना बोकेका युवा सतर्क रहून!

— Baburam Bhattarai (@brb1954) July 26, 2021