फेरि बढ्यो पेट्रोलियम पदार्थको मूल्य, खाना पकाउने ग्यासमा पनि प्रतिसिलिन्डर २५ रुपैयाँ बृद्धि

काठमाडौं । नेपाल आयल निगमले पेट्रोलियम पदार्थको मूल्य फेरि बढाएको छ । मूल्य बृद्धी गरेको  दुई साता पनि नबित्दै निगमले  आज (मंगलबार) फेरि  पेट्रोलियम पदार्थको मूल्य बढाएको हो ।

आयल  निगमले पेट्रोलको मूल्य प्रतिलिटर १२७ रुपैयाँ बाट लिटरमा २ रुपैयाँ बढाएर  १२९ पुर्‍याएको छ ।  डिजेल र मटितेलको मूल्य अब प्रतिलिटर २ रुपैयाँ बढेर ११२ रुपैयाँ पुगेको छ ।
 त्यसैगरि हवाई इन्धन आन्तरिक तर्फ प्रतिलिटर २ रुपैयाँले बढाएर ८४ रुपैयाँ, हवाई इन्धन (अन्तर्राष्ट्रिय) को प्रतिकिलोलिटर १९ अमेरिकी डलर बढाएर ७४५ डलर पुर्‍याएको छ ।

खाना पकाउने ग्यासको मूल्य प्रतिसिलिण्डर २५ रुपैयाँ वृद्धि गरेर १४ सय २५ रुपैयाँ पुर्‍याएको छ  ।