‘समर्थन फिर्ता गर्न नसक्ने पार्टीले वैकल्पिक सरकार बनाउछु भन्नु हास्याँस्पद’

निर्मल बाबु लामिछाने / काठमाडौँ। नेपाल कम्युनिष्ट पार्टी (नेकपा) एमालेका नेता बिष्णु रिजालले नेकपा माओवादी केन्द्रको स्थायी समिति बैठकले सरकारलाई दिएको समर्थन फिर्ता लिने जिम्मा अध्यक्ष पुष्पकमल दाहाल ‘प्रचण्ड’लाई दिएकोमा आस्चर्य प्रकट गर्दै हास्याँस्पद शैलीमा टिप्पणी गरेका छन्। 

नेता रिजालले आफुले माओवादीको उक्त निर्णय नबुझेको भन्दै यो निर्णय हो कि अनिर्णय हो भन्दै प्रश्न समेत गरेका छन्।

बुधबार माओवादीको पार्टी कार्यालय पेरिसडाँडामा बसेको स्थायी समिति बैठकले समर्थन फिर्ताको निर्णय गर्ने अधिकार अध्यक्ष प्रचण्डलाई दिएपश्चात् सामाजिक सञ्जालमार्फत् नेता रिजालले यस्तो प्रकट गरेका हुन्।

ट्वीटरमा उनले सरकारको घोर विरोध गरिरहेको पार्टीले नै समर्थन फिर्ता लिन नसकेको भन्दै यही संसदबाट बैकल्पिक सरकार बन्छ कि बन्दैन भन्ने प्रस्ट भएको उल्लेख गरेका छन्।

‘माओवादीको स्थायी समिति बैठकले सरकारलाई दिएको समर्थन फिर्ता लिने जिम्मा अध्यक्ष प्रचण्डलाई दिएछ । मैले नबुझेको- वस्तुत: यो निर्णय हो कि अनिर्णय ? जब सरकारको घोर विरोध गरिरहेको पार्टीले नै समर्थन फिर्ता लिन सक्दैन भने यही संसदबाट बैकल्पिक सरकार बन्छ कि बन्दैन भन्ने प्रस्ट हुँदैन र?’ उनले ट्वीटमा उल्लेख गरेका छन्।

रिजालको यस भनाइबाट यो कुराको स्पष्ट हुन्छ कि सिङ्गो पार्टीले समर्थन फिर्ता लिन नसक्दा एकजना व्यक्तिले मात्र यति ठुलो निर्णय गर्न कसरि सक्लान् र ?