पूर्व प्रधानन्यायाधीश चोलेन्द्रशमशेर जबरा पक्राउ, न्यायिक इतिहासमै पहिलो घटना

काठमाडौं । पूर्व प्रधानन्यायाधीश चोलेन्द्रशमशेर जबरालाई प्रहरीले गएराति पक्राउ गरेको छ ।

काठमाडौं उपत्यका अपराध अनुसन्धान कार्यालयले उनलाई पक्राउ गरेको हो ।

महाराजगन्जस्थित घरबाटै उनलाई पक्राउ गरिएको हो ।

जबराविरुद्ध उपत्यका अपराध अनुसन्धान कार्यालयमा उजुरी परेको बताइए पनि एकीन कारण खुलेको छैन ।

महाअभियोग पारित नभए पनि जबरा २०७८ फागुन १ देखि निलम्बनमा परेका थिए र सर्वोच्च अदालत फर्किन पाएनन् ।

महाभियोगका बिषयमा परेको मुद्दामा केही दिनअघि मात्र उनको पक्षमा सर्वोच्च अदालतले आदेश दिएको थियो । सर्वोच्चको आदेशपछि उनले निबृत्तिभरण पाउने बाटो खुलेको थियो ।

राणा प्रधानन्यायाधीश हुँदा चरम विवादमा परेका थिए । सर्वोच्चका सबै न्यायाधीशहरुले बेन्च नै बहिस्कार गर्नेसम्मको अवस्था उनको कार्यकालमा आएको थियो ।

नेपालमा न्यायालयको नेतृत्व गरिसकेको पूर्व प्रधानन्यायाधीश पक्राउ परेको पहिलो घटनाका रुपमा लिइएको छ ।