दीपक साहलाई बर्खास्त गरेर वालेनलाई कमजोर बनाउन खोजिएको हो : मिश्र

काठमाडौं । नेपाली कांग्रेसका नेता मनिषकुमार मिश्रले दीपककुमार साहलाई प्रधानमन्त्री वालेन्द्र शाहले मन्त्रीबाट नहटाएको दाबी गरेका छन् ।

साहलाई मन्त्रीबाट हटाएर वालेनलाई कमजोर गरिएको उनको भनाइ छ । उनले दीपकलाई मन्त्रीबाट हटाउनुलाई साहुजीद्वारा साहुजीको हत्याको संज्ञा दिएका छन् ।

श्रम, रोजगार तथा सामाजिक सुरक्षा मन्त्रीका रुपमा दीपकले न्वारनदेखि बल लगाएर काम गरिरहँदा पनि सामाजिक संजालमा अनावसनाब प्रचार गरिएकै भरमा हटाएकोमा उनले असन्तुष्टि प्रकट गरेका छन् ।

कारबाही गर्नु छ भने विनाप्रमाण अनाहकमा मानिस पक्राउ गरी मानवअधिकारको हनन गर्ने गृहमन्त्री सुधन गुरुङलाई गर  । एक दिन पनि नटिक्ने अर्थहीन निर्णय गर्ने शिक्षामन्त्री सस्मित पोखरेललाई गरेर देखाऊ । सरकारको नीतिबिपरीत दूताबासको कार्यक्रममा सहभागी हुने अर्थमन्त्री स्वर्णिम वाग्लेलाई कारबाही गर्न मिश्रले रास्वपा सभापति रवि लामिछानेलाई चुनौती दिएका छन् ।

यी तीन मन्त्रीलाई कारबाही गर्नसक्छौ ? बालेन साहको नाममा मधेशको मत लुटेको तर साहलाई नै बलिको बोको बनाएको भन्दै रास्वपा सभापति लामिछानेलाई लक्षित गरी उनले लेखेका छन्–‘ बालेनको नाम देखाएर ९९ प्रतिशत साहुजीको भोट लिने तर एउटा साहुजी मन्त्री हुँदा नपच्ने ? साहुजीको नाममा लुट्नु लुट्यौ ? अब सम्भव छैन ।’