काठमाडौं उपत्यकाका १४ सिटमा रास्वपाको दबदबा, १ क्षेत्रमा कांग्रेस अगाडि

काठमाडौं । प्रतिनिधिसभा निर्वाचनको प्रारम्भिक मतगणनामा काठमाडौं उपत्यकाका १५ निर्वाचन क्षेत्रमध्ये १४ क्षेत्रमा राष्ट्रिय स्वतन्त्र पार्टी (रास्वपा) ले अग्रता लिएको छ ।

काठमाडौंका १० तथा ललितपुरका २ र भक्तपुरका २ वटा क्षेत्रमा प्रतिस्पर्धीभन्दा फराकिलो अन्न्तरले रास्वपा उम्मेदवार अग्रस्थानमा छन् ।

काठमाडौं–१ मा रञ्जु दर्शना जितको निकट पुगिसकेकी छन् । काठमाडौं–२ मा सुनिल केसी, काठमाडौं–३ मा राजुनाथ पाण्डे, काठमाडौं–४ मा पुकार बम, काठमाडौं–५ मा सस्मित पोखरेल, काठमाडौं–६ मा शिशिर खनाल, काठमाडौं–७ मा गणेश पराजुली, काठमाडौं–८ मा बिराजभक्त श्रेष्ठ, काठमाडौं–९ मा डीपी अर्याल र काठमाडौं–१० मा प्रदीप विष्टले अग्रता कायम गरेका छन् ।

यसैगरी ललितपुर–२ मा जगदीश खरेल र ललितपुर–३ मा तोसिमा कार्कीले अग्रता लिएका छन् । ललितपुर–१ मा भने कांग्रेसका उदयशम्शेर राणाले अग्रता लिएका छन् ।
भक्तपुरका दुवै क्षेत्रमा रास्वपा उम्मेदवारहरू अगाडि रहेका छन्। नेमकिपाको गढ मानिने भक्तपुर–१ मा रास्वपाका रुकेश रन्जित अग्रस्थानमा छन भने नेमकिपाका प्रेम सुवालले उनलाई पछ्याइरहेका छन् ।

यसैगरी भक्तपुर–२ मा राजीव खत्रीले अग्रता लिँदा एमालेका उम्मेदवार महेश बस्नेत पछि परेका छन् ।