रास्वपासँग एकता भंग भएपछि उज्यालो पार्टीका अध्यक्ष बने कुलमान

काठमाडौं । राष्ट्रिय स्वतन्त्र पार्टी(रास्वपा)सँगको एकता भाँडिएपछि उज्यालो नेपाल पार्टीले अध्यक्षमा कुलमान घिसिङलाई चयन गरेको छ । ऊर्जासहित ३ विकासे मन्त्रालयको मन्त्री भएपछि कुलमानले पूर्वसचिव अनुपकुमार उपाध्यायको अध्यक्षतामा उज्यालो नेपाल पार्टी दर्ता गरेका थिए ।

उज्यालो नेपाल पार्टीमा देशभर आकर्षण बढेपछि कुलमान र काठमाडौं महानगरपालिकाका मेयर बालेन साहले रास्वपासँग एकता गरेका थिए । बालेन बरिष्ठ नेता र कुलमान उपसभापति हुनेगरी सहमति भए पनि पछिल्लो समयमा आएर एकता भाँडिएको छ ।

रास्वपाको उपसभापति भए पनि मन्त्री पदबाट राजीनामा नदिएको भन्दै कुलमानको आलोचना भयो । उनले पदबाट राजीनामा नै दिनुपर्यो । तर पार्टी पदाधिकारी, केन्द्रीय समितिमा ३० प्रतिशत हिस्सा दिने भने पनि पछिल्ला दिनमा सहमति पालना हुन नसकेपछि कुलमान रास्वपाबाट अलग भई उज्यालो नेपाल पार्टीको अध्यक्ष भएका छन् ।