बम बिष्फोटमा संलग्न भएको आरोपमा हर्क तामाङ नेतृत्वको श्रम संस्कृति पार्टीका उपाध्यक्ष लामा पक्राउ

काठमाडौँ । धरान उपमहानगरपालिकाका मेयर हर्क साम्पाङ नेतृत्वको श्रम, संस्कृति पार्टीका उपाध्यक्ष राजकुमार तामाङ लामालाई प्रहरीको केन्द्रीय अनुसन्धान ब्यूरो(सीआईबी) ले कपनबाट पक्राउ गरेको छ ।

चौध बर्षअघि बबरमहलमा बम बिष्फोटमा संलग्न देवराज लामा उर्फ बिश्वक्रान्तिलाई प्रहरीले पक्राउ गरेको हो ।  ५० वर्षीय लामालाई मंगलबार पक्राउ गरेको हो । उनी पाँचथरमा विस्फोटक पदार्थ सम्बन्धी मुद्दामा पक्राउ परेका हुन ।

लामा २०६८ मा काठमाडौँको बबरमहलमा भएको बम विस्फोटमा संलग्न मुद्दामा जेलबाट छुटेका थिए । बबरमहल घटनामा कैद सजायको फैसला भएपछि नख्खु कारागारमा सजाय भुक्तान गरेर लामा २०७६ फागुन ७ मा प्रजातन्त्र दिवसको दिन छुटेका थिए ।

२०६९ असारमा पाँचथरको भूसपातेमा उनलाई प्रहरीले विस्फोटक पदार्थसहित पक्राउ गरेर काठमाडौँ पठाएको थियो ।

उनी विरुद्ध पाँचथरमा दर्ता भएको मुद्दा विचाराधीन अवस्थामा रहेको छ । कुमार, विश्वक्रान्ति, देवराजका नामले चिनिने  राजकुमार लामालाई त्यही मुद्दामा सीआईबीले थप अनुसन्धानको लागि उनलाई पक्राउ गरी पाँचथर पठाएको छ ।