प्रचण्डको घरबाट २ वटा ट्रकमा २ करोड लगेको दाबी गर्ने पूर्वएआईजीबिरुद्ध साइबर ब्यूरोमा उजुरी

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’को घरबाट २ करोड रुपैयाँ २ वटा ट्रकमा ओसारेको अन्तर्वार्ता दिएर विवादमा आएका पूर्व एआईजी देवेन्द्र सु्वेदीका बिरुद्ध साइबर ब्यूरोमा जाहेरी परेको छ ।

पूर्वएआईजी सुवेदीले एक युट्युबलाई अन्तर्वार्ता दिने क्रममा जेनजी प्रदर्शनको दिनभन्दा अगाडि नै जेनजी आन्दोलन सुरु हुनुअघि प्रचण्डको निवासबाट दुई ट्रकमा दुई करोड रुपैयाँ निकालिएको दाबी गरेका थिए । पार्टी अध्यक्ष प्रचण्डको सचिवालयले यो अभिव्यक्ति ‘झुटो र चरित्रहत्या गर्ने’ भन्दै साइबर व्यूरोमा आधिकारिक उजुरी दर्ता गरेको छ ।

पूर्वएआईजी सुवेदीको उक्त अन्तर्वार्ताबाट माओवादी केन्द्र आक्रोशित बनेको छ । उजुरीमा डिजिटल माध्यमबाट गरिएका यस्ता गलत प्रचारहरू साइबर कानुनविपरीत भएको भन्दै कानुनी कारबाहीको माग गरिएको छ ।