प्रचण्डले चितवनबाट गरे मतदान

काठमाडौं । नेपाली कम्युनिस्ट पार्टी (नेकपा)का अध्यक्ष पुष्पकमल दाहाल ‘प्रचण्ड’ले चितवनबाट मतदान गरेका छन् ।

उनले चितवन क्षेत्र नम्बर ३ अन्तर्गत भरतपुर महानगरपालिका–१४ स्थित नेपाल पुलिस स्कुलमा रहेको ‘क’ मतदान केन्द्रबाट बिहान ७ बजेर २० मिनेटमा मत खसालेका हुन् । जुन क्षेत्रमा नेकपाबाट प्रचण्डकै छोरी रेनु दाहाल उम्मेदवार छिन् ।

नेपाल पुलिस स्कुल परिसरमा दुई वटा मतदान केन्द्र सञ्चालनमा रहेका छन्, जहाँ कुल १,८६५ मतदाता रहेको निर्वाचन अधिकृतको कार्यालयले जनाएको छ ।

बिहानैदेखि मतदाताको उत्साहजनक उपस्थिति देखिएको छ । मतदान सम्पन्न गरेलगत्तै अध्यक्ष प्रचण्ड हेलिकप्टरमार्फत रोल्पातर्फ प्रस्थान गरेका छन् ।