प्रधानमन्त्रीद्वारा मन्त्रिपरिषद् बैठक आह्वान

काठमाडौं । प्रधानमन्त्री केपी शर्मा ओलीले मन्त्रिपरिषद् बैठक बोलाएका छन् । बैठक प्रधानमन्त्रीको सरकारी निवास बालुवाटारमा आज (मंगलबार) साँझ ५ बजे बस्नेगरी बैठक बोलाइए हो ।

कांग्रेस सभापति शेरबहादुर देउवासँग छलफर लगत्तै प्रधानमन्त्री ओलीले मन्त्रिपरिषद् बैठक आह्वान गरेका हुन् । प्रधानमन्त्री ओली र सभापति देउवाबीच आज बिहान बालुवाटारमा भेटवार्ता भएको थियो ।

नियमित रुपमा हिजो (सोमबार) बस्नुपर्ने बैठक अन्तिम समयमा स्थगित गरिएको थियो । स्वास्थ्यको कारण देखाउँदै प्रधानमन्त्री ओलीले बैठक स्थगित भएको जानकारी गराएका थिए ।

मन्त्रिपरिषद् बैठकअघि नेपाल राष्ट्रबैंकको गभर्नर सिफारिस समितिको बैठक बस्नेछ। अर्थमन्त्री पौडेलले अपराह्न ४ बजे बस्ने गरी सिफारिस समितिको बैठक डाकेका छन्।

आजको बैठकबाट नेपाल राष्ट्र बैंकको गभर्नर नियुक्ति गर्ने चर्चा छ ।