२ लाख घुससहित अदालतका कम्प्युटर अप्रेटर पक्राउ

काठमाडौं । नवलपरासी जिल्ला अदालत परासीमा कार्यरत कम्प्युटर अपरेटर रामलखन बनियालाई अख्तियार दुरुपयोग अनुसन्धान आयोगले २ लाख रुपैयाँ घुससहित बुधबार राति नियन्त्रणमा लिएको छ ।

लागूऔषध मुद्दाको पुर्पक्षमा कारागार कार्यालय नवलपरासीमा रहेका सेवाग्राहीसँग छुटाइदिन सहजीकरण गर्ने भनी घुस माग गरिरहेकोसूचना एवं उजुरीका आधारमा अख्तियारको कार्यालय, बुटवलबाट खटिएको टोलीले बनियालाई सेवाग्राहीबाट २ लाख रुपैयाँ घुस लिइसकेको अवस्थामा पक्राउ गरेको आयोगले बुधबार राति जारी गरेको बिज्ञप्तिमा उल्लेख छ ।

२ लाख घुससहित जिल्ला नवलपरासी (बर्दघाट सुस्ता पश्चिम), पाल्हीनन्दन गाउँपालिका वडा नं. ३ बेलासपुर चोकबाट कम्प्युटर अप्रेटर बानियाँलाई नियन्त्रणमा लिई थप अनुसन्धान भइरहेको आयोगका प्रवक्ता राजेन्द्रकुमार पौडेलले जारी गरेको बिज्ञप्तिमा उल्लेख छ ।