एमालेबाट निर्वाचित वडाध्यक्षले गरे पार्टी परित्यागको घोषणा

मुकेशकुमार यादव

सिरहा । सिरहामा शनिबार राति सम्पन्न एमालेको ११ औं जिल्ला अधिवेश सकिएसँगै एकजना निर्वाचित वडा अध्यक्षले असन्तुष्टि पोख्दै एमाले पार्टी परित्याग गरेको घोषणा गरेका छन्।

सिरहाको गोलबजार नगरपालिका वडा नं. ६ का वडाध्यक्ष तथा नगर प्रवक्ता समेत रहेका संजीव लामाले आजकै मितिबाट एमाले पार्टीको साधारण सदस्य समेत नरहने गरी पार्टी परित्याग गरेको घोषणा गरेका हुन ।

पार्टी प्रती असन्तुष्टि पोख्दै वडा अध्यक्ष लामाले आफ्नो फेसबुक स्टाटसमा वडाध्यक्ष तथा अन्य सबै जिम्मेवारी सहित एमाले पार्टीको साधारण सद्स्य समेत नरहने घोषणा गरेका छन् ।

फेसबुक स्टाटसमा वडाध्यक्ष लामाले पार्टी परित्याग गरेको निर्णयको कारण भने खुलाइएको छैन । तर ,शनिबार सम्पन्न एमालेको ११ औं जिल्ला अधिवेशनमा एमाले नेता तथा मधेश प्रदेश इञ्चार्ज लिलानाथ श्रेष्ठले पार्टिमा हैकमवादी चलाएको र पार्टीको बिधान विपरीत कनिष्ठहरुलाइ जिल्ला सदस्यमा समावेश गरिको वडा अध्यक्षले जनाएको छ। उनले भने, ´सिरहामा एमाले पार्टी भित्र नातावाद हावी भएको देखिएकोले आफुले राजिनामा दिएको हो। आफू कुनै नेताको दासानुदास बनेर बस्न नसक्ने भन्दै राजिनामा दिएको र यो कुनैपनी हालतमा फिर्ता नलिने बताए।´

लीलानाथ श्रेष्ठ मधेश प्रदेश इञ्चार्ज भएदेखि कार्यकर्ता दबाउने र नातावाद प्रवृत्ति हावीप्रती कार्यकर्ताहरु असन्तुष्ट रहेको देखिन्छ ।