राजावादी प्रदर्शनकारी र प्रहरीबीचको झडपमा ७ जना सशस्त्र प्रहरी घाइते

काठमाडौं । राजावादीले गरेको प्रदर्शनमा झडप हुँदा ७ जना सशस्त्र प्रहरी घाइते भएका छन् । बानेश्वरतर्फको निषेधित क्षेत्र डोड्न खोजेपछि प्रहरी र प्रदर्शनकारीबीच झडप भएको थियो । उक्त झडपमा ७ जना सशस्त्र प्रहरी घाइते भएका हुन् ।

झपडका क्रममा घाइते भएकामध्ये ४ जनाको कान्तिपुर अस्पतालमा उपचार भइरहेको बताइएको छ । यस्तै प्रदर्शनकारीतर्फ पनि दर्जनौँ घाइते भएका छन् । राजावादीहरु अराजक बन्दा अहिले तिनकुने क्षेत्र तनावग्रस्त बनेको छ ।

प्रहरीले प्रदर्शनकारीमाथि लाठी चार्ज गरेको छ भने पानीको फोहोरा र अश्रुग्यास समेत प्रहार गरेको छ ।

राजावादीको प्रदर्शनका क्रममा तीनकुनेमा एक व्यक्तिको घरमा आगलागी भएको छ । राजावादीको कार्यक्रमस्थल नजिकै रोयल ब्याङ्क्वेट सँगै जोडिएको घरमा आगलागी भएको हो ।