कुलमानलाई हटाउन लागेका उर्जामन्त्रीले भने–अब साँझ लोडसेडिङ हुन्छ

काठमाडौं ।  ऊर्जा, जलस्रोत तथा सिंचाइमन्त्री दीपक खड्काले अबदेखि साँझको समय केही समय लोडसेडिङ हुने जानकारी दिएका छन् ।

२०७३ मा नेपाल विद्युत प्राधिकरणका कार्यकारी निर्देशक भएपछि कुलमान घिसिङले लोडसेडिङमुक्त गरेको नेपालमा वर्तमान सरकारका ऊर्जामन्त्री दीपक खड्काले ८ बर्षपछि मुलुक पुनः अन्धकार हुने घोषणा गरेका छन् ।

राष्ट्रिय सभाको बुधबारको बैठकमा मन्त्री खड्काले उद्योगमा लोडसेडिङ सुरू  भइसकेको र अब आम सर्वसाधारणको घरमा पनि लोडसेडिङ हुने जानकारी दिएका हुन् ।

हाल विद्युत्को मागभन्दा आपूर्ति कम रहेको भन्दै मन्त्री खड्काले लोडसेडिङ हुने तर्क गरेका हुन् ।

सरकारको शतप्रतिशत लगानी रहेको विद्युत् प्राधिकरणले ७०० मेगावाट र २८०० मेगावाट विद्यु्त निजी क्षेत्रले उत्पादन गरिरहेको छ आज पनि विद्युत् आपूर्ति हुन सकेको नसकेको जनाए  ।

ञहिजो पनि लोडसेडिङ थियो, आज पनि छ, उनले भने, हिजो पनि उद्योग कलकारखानाको बत्ती कटौती गरेर घरतिर दिने काम गरिएको थियो, आज पनि त्यही छ,झउनले भने,  ञअहिले पनि ८२५ मेगावाट विद्युत् भारतबाट आयात भइरहेको छ । हामीसँग पुगनपुग १ हजार मेगावाट विद्युत् छ । अब साँझको समय घरमै पनि लोडसेडिङ हुने अवस्था छ । भारतले विद्युत कटौती गरेपछि पुन: मुलुक लोडसेडिङमा जान लागेको हो