नयाँ आईजीपी थापालाई आज दज्र्यानी चिन्ह प्रदान गरिँदै

काठमाडौं । सरकारले सोमबार नियुक्त गरेका महानिरीक्षक (आईजीपी) दीपक थापाले आज दज्र्यान चिह्न लगाउँदैछन् ।

गृहमन्त्रालयले मंगलबार आईजीपी थापालाई दज्र्यान चिन्ह प्रदान गर्ने भएको हो ।

आईजीपी थापालाई गृहमन्त्रालयका सचिव गोकर्णमणि दुवाडीले दज्र्यानी चिन्ह लगाउने कार्यतालिका रहेको छ ।

सरकारले सोमबार थापालाई आईजीपीमा बढुवा गरेको थियो । एआईजीहरू सुदीप गिरी र टेकबहादुर तामाङलाई पछि पार्दै थापा नेपाल प्रहरी प्रमुख बनेका हुन् ।

सेवा प्रवेश गरेदेखि एआईजी हुँदासम्म थापाले २० भन्दा बढी युनिटको नेतृत्व गरिसकेका छन् । प्रहरीभित्र उनी नेतृत्व क्षमताको आधारमा सबभन्दा बढी युनिट कमाण्ड गर्ने अफिसरको रूपमा परिचित छन् ।