एमालेको प्रवासी मंच यूएईमा भाँडभैलो, हुन्डीदेखि म्यानपावरका बिचौलियालाई जर्बस्ती बनाइयो उपाध्यक्ष

अबुधावी । नेकपा एमाले समर्थित प्रवासी नेपाली मंच युएईमा भाँडभैलो मच्चिएको छ । नेकपा एमाले समर्थित प्रवासी नेपाली मञ्च यूएईको नयाँ नेतृत्व चयन भएको छ । गएको भदौ ३० गते आबुधावीमा सम्पन्न मंचको सातौं महाधिवेशनले बाबुराम सापकोटाको नेतृत्वमा नयाँ कार्यसमिति गठन गरेको थियो ।

मंचका अध्यक्षदेखि २९ सदस्यीय कार्यसमितिमा चयन भएकाहरुकोबारेमा विवादै विवाद  छ । सबैभन्दा बढी विवाद उपाध्यक्ष गोकुल कुईकेलको नाममा दखिएको छ । मन्चको अधिवेशनमा सहभागी अधिकांशले कुईकेलको नाममा असहमति राखेको र दाबी बिरोध गरेको अवस्थामा अध्यक्ष मण्डलले त्यसको बेवास्ता गरी उनलाई उपाध्यक्ष बनाएको आरोप छ ।

युएईस्थित नेपाली दूताबास अबुधावीका श्रम हेर्ने उपसचिवको आफन्त गाउँले भन्दै कुईकेलले थर्काउदै हिंड्ने गरेको गुनासो हलमा धेरैले गरेका थिए । विवादास्पद छविका पूर्व सशस्त्र प्रहरीका भगौडा सिपाही कुईकेलले आफ्नो बिरोध गर्नेलाई जे पनि गर्नसक्ने धम्की दिएपछि मंचको अधिवेशन छाडेर हिंड्न बाध्य भएको मंचकै कार्की थरका एक पदाधिकारीले बताएका छन् ।

एमालेले जिल्ला कमिटीको मान्यता दिएको प्रवासी मंचमा उपाध्यक्षमा तानेर ल्याइएका कुइँकेलले २०७८ मा मात्र एमालेको सदस्यता लिएको खुलेको छ । सेक्युरिटी गार्डको काम गर्ने कुइँकेल आफूलाई दूताबासको श्रम शाखाको प्रमुखको नाममा डिमान्ड निकाल्नेदेखि विभिन्न सेटिङका काममा संलग्न रहेको आरोप छ । उनले श्रम शाखाको सेटिङको काम गर्ने गरेको अडियो क्लीप नै अध्यक्ष मण्डललाई सुनाउँदा पनि जबर्जस्ती उनलाई उपाध्यक्ष बनाइएकोमा मंचमा लामो समयदेखि सक्रिय धेरै एमाले समर्थकहरु रुष्ट भएका छन् ।

कुइँकेल श्रम शाखाको नाममा डिमाण्ड पास गर्ने सुन तथा हुन्डीको अबैध कारोबारमा संलग्न रहेको आरोप छ । सेक्युरिटी गार्ड काम गर्नेहरुलाई प्रयोग गरी एमालेमा आएको ३ बर्षमै उनी मंचको उपाध्यक्ष बन्न सफल भएका छन् । उनले एक नेपाली युवालाई हिटरको ब्यबसाय गर्ने भनेर अबुधावी लगी रकम लिएको र थर्काएर राखेको ती युवाका आफ्न्तको गुनासो रहँदैआएको छ । युएईको प्रवासी मंचमा विवाद धेरै बढेपछि एमाले केन्द्रबाट कोही पनि उक्त कार्यक्रममा गएनन् । नेपालबाट कोही नगएपछि अमेरिका बस्ने संजय थापा उक्त कार्यक्रममा आफैं प्रमुख अतिथि तथा आफैं अध्यक्षमण्डलको अध्यक्ष भएका थिए ।

कुइँकेल भगौडा सशस्त्र प्रहरीको सिपाहीबाट छाडेपछि माओबादीमा लागेका थिए । तर यसबीचमा काण्डैकाण्ड लागेका एमाले पोलिटब्यूरो सदस्य महेश बस्नेत दुबई घुम्न गाको बेला उनका सहयोगी गिरीका माध्यमबाट परिचय गरी एमाले प्रवेश गरेका थिए । २०७८ मा सदस्यता लिएपश्चात् युएईमा पार्टी तथा गार्डहरुको दुरुपयोग गरी पुराना एमाले नेता–कार्यकर्ताहरुलाई कार्यक्रम प्रवेश रोक लगाइ आफू अनुकूल निर्णय गराउँदै गइरहेका छन् ।