२४ घण्टामा १ हजार ५६७ जना कोरोना संक्रमित संक्रमणमुक्त

काठमाडौं– पछिल्लो २४ घण्टामा थप १ हजार ५६७  जना कोरोना संक्रमित संक्रमणमुक्त भएका छन्। देशका विभिन्न आइसोलेसनबाट उनीहरू निको भएर घर फर्किएको स्वास्थ्य तथा जनसंख्या मन्त्रालयले जनाएको छ। 

यो सँगै नेपालमा २ लाख १८ हजार १ सय ६१ जना संक्रमित  उपचारपछि निको भएका छन्। मन्त्रालयका अनुसार ९२ दशमलब ३ प्रतिशत संक्रमित निको भएर घर फर्किसकेका छन् । 

आज मन्त्रालयका अनुसार ८ हजार ३ सय  जनाको पिसिआर परीक्षण भएको छ। यो सँगै १७ लाख ५४ हजार ६ सय ३०  जनाको पिसिआर भएको मन्त्रालयले जनाएको छ।  

मन्त्रालयका अनुसार ६ सय ५ जना क्वारेन्टाइनमा छन्।  नेपालमा १६ हजार ५ सय ४७ जना संक्रिय संक्रमित भएको मन्त्रालयले जनाएको छ।