रौतहट । रौतहटको दिपही जयनगर सडकखण्डमा प्रहरीले चेकजाँचको क्रममा ४ किलो गाँजासहित एक जनालाई पक्राउ गरेको छ ।
पक्राउ पर्नेमा माधव नारायण नगरपालिका १ का ६० बर्षीय जोखु राय यादव रहेका छन्।
ईलाका प्रहरी कार्यालय शिवनगरको टोलीले चेकजाँच गर्दा यादवसँग ४ किलोग्राम लागु औषध गाँजा बरामद भएकाे थियाे।
यादवले चलाएर ल्याएको साईकलको पछाडी बोरामा राखेको अवस्थामा गाँजासहीत प्रहरीले पक्राउ गरेको ईलाका प्रहरी कार्यालय गरुडाका डिएसपी रबी रावलले जानकारी दिएका छन् ।
निजमाथी लागुऔषध सम्बन्धी मुद्धा दर्तागरी अदालत बाट म्याद थमाएको तथा आरोपी ईलाका प्रहरी कार्यालय गरुडाको यिन्त्रणमा रहेको र घटनाबारे थपअनुसंधान भइरहेको डिएसपी रावलले जानकारी दिएका छन् ।
