सिरहामा सशस्त्र प्रहरीको सफलताः ४ करोड १३ लाखका सामान बरामद

काठमाडौं । सशस्त्र प्रहरी बलले सिरहामा चोरी तस्करी नियन्त्रणका लागि निगरानी बढाएपछि फागुन महिनामा भन्सारले राखेको लक्ष्यभन्दा २२ प्रतिशत राजस्व बृद्धि भएको छ ।

कार्तिकयता सशस्त्र प्रहरी बल  सिरहाले ४ करोड १३ लाख ९७ हजार ५ सय २३ रुपैयाँ बराबरको लताकपडा, किराना समान, हार्डवेयर, इलेक्ट्रोनिक्स, मदिरा, तथा नगद बरामद गरी भन्सार दाखिला गरेको ७ नम्बर गण सिरहाका एसपी शिव गैरे बताउँछन् ।

सशस्त्र प्रहरी सिरहाले कात्तिकयता लत्ताकपडा ९४ लाख ५८ हजार ९८ रुपैयाँँको बरामद गरेको छ । किराना सामान ९७ लाख ३१ हजार ४ सय ८४ रुपैयाँँको र हार्डवेयर ९ लाख १७ हजार ६ सय २२ रुपैयाँँ बराबरको बरामद गरेको छ ।

त्यसैगरी ५ लाख ५६ हजार ७सय ६७ रुपैयाँँको ईलेक्ट्रोनिक्स सामान र औषधि १ लाख ६२ हजार ४ सय ३८ रुपैयाँँको बरामद गरेको छ । मदिरा ४ लाख ७० हजार ७ सय ४५ रुपैयाँँ र पटाखा १ लाख ९३ हजार २ सय ७९ रुपैयाँँको बरामद भएको छ ।

पशु चौपाया १ लाख १४ हजार २ सय ५० रुपैयाँँ, सवारीसाधन १ करोड ६३ लाख ३५ हजार रुपैयाँँ, नगद २५ लाख ५७ हजार ८ सय ४० रुपैयाँँ बराबरको बरामद गरेको छ ।

भारतसँग जोडिएको ४६ किलोमिटर सिमा नाकामा सशस्त्र प्रहरी बलका २ वटा प्रस्तावित गुल्म र ५ वटा बिओपी रहेका छन् ।