कांग्रेसकाे कार्यसमिति बैठकमा तीन प्रस्तावमाथि छलफल हुने

काठमाडौं । नेपाली कांग्रेसको केन्द्रीय कार्यसमिति बैठकमा प्रस्तुत प्रस्तावहरुमाथि आजदेखि छलफल सुरु हुँदै छ । छलफलका लागि बिहान ९ बजेदेखि बैठक सुरु हुने भएको हाे ।

उपसभापति पूर्णबहादुर खड्काको नीति, महामन्त्री गगन थापाको सांगठनिक र अर्का महामन्त्री विश्वप्रकाश शर्माको राजनीतिक प्रस्ताव माथि आजदेखि छलफल सुरु हुन लागेको हो ।

तीनवटै प्रस्तावहरु बिहीबारको बैठकमा पेस भएका थिए । ती प्रस्तावमा शुक्रबार र शनिबार दुई दिन छलफल हुने बताइएको छ । केन्द्रीय सदस्यहरुले प्रस्तावहरुमाथि आफ्ना धारणा राख्ने र ती धारणाहरुलाई समेत समेटेर प्रस्तावलाई अन्तिम रुप दिने नेपाली कांग्रेसले जनाएको छ ।