पाल्पा जिप दुर्घटनामा मृत्यु हुनेको संख्या १० पुग्यो

काठमाडौं । पाल्पा जिप दुर्घटनामा परी मृत्यु हुनेकाे संख्या १० पुगेको छ । तिनाउ गाउँपालिका-६ शिखरडाँडामा मंगलबार साँझ भएको जिप दुर्घटनामा मृत्यु हुनेको संख्या १० पुगेको हाे।

प्रहरीका अनुसार मृतक सबैको सनाखत भएको छ । उक्त जिप दुर्घटनामा परी ८ जनाको घटनास्थलमा र २ जनाको उपचारका क्रममा मृत्यु भएको हो भने १५ जना घाइतेको उपचार भइरहेको छ ।

मृत्यु हुनेहरुमा तिनाउ गाउँपालिका वडा नं ६ बस्ने वर्ष ६० कि यम कुमारी पन्थ, वर्ष ३९ को रामबहादुर अस्लामी, वर्ष ६७ को कृष्णबहादुर अस्लामी, वर्ष २८ की उर्मिला अस्लामी छन् ।

त्यसैगरी मृत्यु हुनेहरुमा रुपन्देहीको बुटवल उपमहानगरपालिका वडा नं १४ तामनगर बस्ने वर्ष ७० को चन्द्र बहादुर रणपाल र वर्ष ६० कि तुना रणपाल छन् ।

त्यसैगरी पाल्पाको रिब्दीकोट गाउँपालिका वडा नं १ बस्ने बर्ष ६१ कि दिलकुमारी सुनार, वर्ष ६६ की बिष्णुकला कामी, तिनाउ वडा नं ६ बस्ने बर्ष २० कि गिता सुनारको उपचारको क्रममा मृत्यु भएको प्रहरीले जनाएको छ ।